KORONADAL CITY – Kasubong nga nakakita sang paglaum ang mga pumuluyo sa rehiyon sang Hong Kong kaangot sa isyu sang coronavirus.
Suno kay Bombo international Shella Mae Gallo, suno sa iya mga amo nga lunsay mga doktor, apesar posible nga magadugay sa bulan sang Abril tubtob Mayo ang nasambit nga trend, lauman nga maganubo ini sa bulan sang Hunyo tubtob Hulyo.
Ginpahayag man ni Gallo nga apesar nakapagkit sila sang 12 ka kaso sa nasambit nga rehiyon, indi suno pa seryoso ang kondisyon didto indi pareha sa Wuhan, kag mahimo suno pa mabulong ang mga may kaso diri.
Dugang pa sang iya doktor nga amo, mahimo mabulong yadtong mga persona nga may yara lamang sang hilanat, ubo ukon sip-on apang mabudlay na matratar kun may problema na sa ikaayong lawas kag nahalitan pa sang coronavirus.
Suno pa kay Gallo, sa subong nagpatuman man sang lockdown sa transportasyon ang rehiyon pakadto kag halin sa China agud malikawan ang paglapta sang nasambit nga balatian.
