PRESIDENT QUIRINO, SULTAN KUDARAT – Natalana nga ipaidalom sa post mortem examination ang bangkay sang isa ka Indian national matapos nga magsuicide.
Sandig sa report, nasapwan na lamang ang bangkay ni Jadev Singh, isa ka lending businessman, sa talamnan sang tubo sa bahin sang Barangay Bayawa, President Quirino Sultan Kudarat kaina sang udto.
Sa inisyal nga impormasyon sang mga otoridad nag-inom hilo ang Indiano nga gintunaan sang kamatayon sini.
Apang, suno sa mga kaupdanan sini makatilingalan lamang nga kun matuod nga naghikog ang biktima ngaa malayo sa ginaistaran sini.
Wala man suno pa sila sang may nakita nga malain nga hulag sini antes pa natabo ang insidente.
Ginalantaw naman ang pagkalugi sang negosyo sini nga posible rason sang iya pagsuicide.
Sa subong, ginahibalo pa sang mga otoridad kun may foulplay ang kamatayon sini.
