KORONADAL CITY– Dismayado sa subong ang madamo nga mga investors sang Akma Community Solutions Incorporated (ACSI) matapos mabalitaan sa Bombo Radyo ang paghikog sang ila founder nga si Aileen Manahan, 35 anyos, taga Valencia City, Bukidnon nga temporaryo nga nagapuyo sa siyudad sang Koronadal.
Suno sa mga wala nagpakilala nga investors, wala na sila makahibalo kun sa ano bawion ang milyones nga nainvest sa ACSI nga gintukod ni Manahan kun diin pila sa mga lider man sang ACSI ang nagapanago tubtob sa subong.
Nahibaluan sa eksklusibo nga interbyu sang Bombo Radyo, ginkumpirmar ni Police Lieutenant Colonel Joefel Siason ang paghikog ni Manahan paagi sa paghikog.
Dugang pa sini nga nagligad nga adlaw pa yara sa siyudad sang Koronadal ang mga investors bangud nagpromisa suno pa si Manahan nga may payout nga matabo matapos ini nga makapiyansa sa kaso nga swindling kag estafa matapos madakpan sa entrapment operation sa siyudad sang General Santos.
