KORONADAL CITY – Nagapangayo subong sang gilayon nga bulig ang mga residente sang North Cotabato ilabi na ang mga banwa nga pinakanaigo sang asud-asod nga mabaskog nga linog kag ang nagluntad kagaina nga Magnitude 6.5 nga linog.
Sa interbyu sang Bombo Radyo Koronadal kay Cherry Daet, Bombo Correspondent sa probinsya sang North Cotabato, naka eksperyensya na sila subong sang kakulangan sang suplay sang kuryente ilabi na ang pagkaon kag malimpyo nga tubig.
Nahibaluan nga bangud sa pagtay-og sang bag-o nga linog kagaina, napilitan nga magsarado ang mga establisemento ilabi na ang mga nagapanguna nga baraklan sang pagkaon partikular na sa banwa sang Makilala kag Tulunan, North Cotabato samtang sa Kidapawan City naka eksperyensya sila sang brownout.
Kaangot sini sa banwa sang Makilala nakapagkit sang madamo nga pilason sa pagtay-og nga ginahibalo pa kun pila ang numero nga ginasiling kadamuan sa mga pilason ang mga tigulang kag mga kabataan sa Brgy. Buenavida at Batasan, Makilala samtang patay naman ang barangay kapitan sang Brgy. Batasan nga si Kapitan Cesar Bangot.
Nahibaluan nga may yara sang nagcollapse nga barangay gym, mga puluy-an kag pila sa mga establisemento nga rason sa pagkapilas sang madamo nga mga residente.
