KORONADAL CITY – Mangin tuman ka apektado sa ginpatigayon nga pagkakas sang Philhealth sang ila nga accrediation sa 2 ka pribado nga hospital sa South Cotabato amo ang mga pasyente nga nagapaidalom sa dialysis treatment.
Sa interbyu sang Bombo Radyo Koronadal kay South Cotabato Provincial Disaster Risk Reduction and Management ukon PDRRMO Operations and Warning Chief Rolly Doane Aquino, ginpahayag sini nga labaw nga mangin apektado sa nangin tikang sang Philhealth amo ang mga dialysis patients nga nagapadulong sa Allah Valley Medical Specialist Center, Inc kag sa Dr Arturo P. Pingoy Medical Center.
Suno kay Aquino, dapat nga ginsa-alang-alang man ang sitwasyon sa mga pasyente agud nga indi makompromiso ang ila nga pagpabulong.
Sa karon, nagalaum ini nga gilayon na nga ma-aksyunan ang kasubong nga panghitabo agud nga wala sang kabuhi nga mabutang sa ital-ital.
Ini bangud, may pila ka mga pasyente ang nagapamalidad na suno pa sa pagpa-ospital bangud wala na sang makuha nga benepisyo halin sa Philhealth.
