KORONADAL CITY- Masami sa mga persona ang nagapahuway sa tion sang lunch break apang sandig sa bag-o nga pagtuon nga ang paglakat sa sini nga tion ang makabenepisyo sa ikaayong lawas sang tawo kag makapanami man sang trabaho.
Sa pagtuon sang Scandinavian Journal of Medicine and Science in Sports, ang 30 minutos nga paglakat matapos ang panyaga ang may maayo ngaepekto sa lawas, panghuna-huna kag modo sang tawo.
Ang masami nga paglakat sang tunga sa oras sa lunch break ang may maayo nga resulta kun sa diin makapanubo ini sang risgo sang stroke kag heart diseases, makapanubo sang lebel sang bad cholesterol kag maka-improve sang good cholesterol level, makabulig man ini agud malikawan ang pagsaka sang blood pressure sa 27% kag makapa-boost ini sang blood flow kag makapasaka sang oxygen supply sa lawas rason nga makabatyag sang dugang nga energy ang persona.
Maayo man ini sa pag-maintain sang healthy-looking skin kag makapa-boost sang Vitamin D Level.
Magluwas sa physical health maayo man ini sa mental health bangud makapa-improber ang paglakat sang well-being, self esteem kag self perception sang tawo.
