KORONADAL CITY – Yara sa ginabulubanta P350,000 ang napagkit nga damyos sa pagpanalasa sang mabaskog nga hangin kag pag-ulan sa Tacurong City.
Ini ang ginpahayag ni Tacurong City Disaster Risk Reduction and Management Council Officer Rodrigo Jamorabon sa esklusibo nga interbyu sang Bombo Radyo Koronadal.
Suno kay Jamorabon, tuman ka apektado ang Brgy Baras sa nasambit nga syudad kun sa diin 2 ka payag-payag, 3 ka puluy-an ang napagkit nga totally damaged bangud sa nasambit nga insidente.
Nagkalagabot man ang 4 ka dalagkuan nga kahoy sa nasambit nga barangay.
Magluwas sini, may isa man ka bunggo nga salakyan ang natumbahan sang kahoy kay natumbahan man san kahoy ang pader sang Josue Alcasid Central Elementary School bangud sa buhawi.
Ginpasiguro man sang CDRRMO ang bulig sa mga apektado nga mga residente.
