KORONADAL CITY – Nagsaka na sa 22 ang napagkit nga napatay sa nagluntad nga trahediya sa Brgy. Lamsalome, Tboli, South Cotabato.
Ini makaligad ginkumpirmar sa Bombo Radyo Koronadal ni PDRRMO Operations and Warning Chief Rolly Doane Aquino nga ginbawian sang kabuhi si Analyn Pendatun nga residente sang Brgy. Libertad, Surallah bangud sa naangkon nga pilas sa iya tiyan.
Suno kay Aquino, ila gin-asikaso si Pendatun samtang buhi pa ini kag ginpahibalo sa iya nga nagpirma na ang pamilya sang do not rescuscitate order.
Apang nangin conscious naman si Analyn makaligad ang pila ka oras apang gilayon man nga ginbawian sang kabuhi takna alas 5 sang hapon.
Dugang ni Aquino, nagbato si Pendatun agud mabuhi apang masubo lamang nga ginbawian kun sa diin bug-os nga pamilya man sini ang napatay sa nasambit nga aksidente.
Kaangot sini, ginpasiguro sang opisyal ang padayon nga paghatag sag bulig halin sa mga LGUs agud masabat ang panginahanglanon sang mga pamilya sang biktima.
Ulihi nga napagkit sa mga napatay sa nasambit nga aksidente ang 12 anyos nga si Randave Ayupan sa bahin sang Davao City.
