KORONADAL CITY- Natalana na nga pasakaan sang kaso ang suspek nga naarestar sa ginpatigayon nga buybust operation sa isa ka Inn sa syudad sang Koronadal.
Sa impormasyon nga ginpalab-ot sang Koronadal City PNP, ginkilala ang suspek nga si Benjie Ybañez Donasco alyas “Bonbon”, 28-anyos, single, isa ka construction worker kag residente sang Prk Lower Avub, Brgy San Isidro sa nasambit nga syudad.
Base sa inisyal nga imbestigasyon, nakuhaan sang 2 ka sachets sang ginapatihan nga shabu kag P500 nga amrked money ang suspek sang ginsulod sang Koronadal City Police Drug Enforcement Unit ang Room 2 sang Skye Inn sa Prk Pinagbuklod, Brgy Zone IV, Koronadal City.
Bangud sini, kaso nga paglapas sa RA 9165 ukon Comprehensive Dangerous Drugs Act of 2002 ang paga-atubangon sang suspek.
Sa karon, yara na ini sa kustodiya sang Koronadal City PNP.
