BANGA, SOUTH COTABATO – Kritikal ang isa ka lalaki sa panibag-o nga shooting incident sa banwa sang Banga, South Cotabato pasado alas 4 subong gid lamang nga hapon.
Sa interbyu sang Bombo Radyo Koronadal kay Police Staff Sergeant Jepoy Boquiren, ginkilala sini ang biktima nga si Elmo Anceno Yago, yara sa legal nga edad kag residente sang Barangay San Jose, Banga, South Cotabato.
Suno kay Boquiren, papuli na halin sa Barangay Poblacion ang biktima padulong sa Barangay San Jose sang ginsundan sang riding in tandem kag pag-abot sa maligwin nga lugar ginluthang ini.
Ginabulong na sa South Cotabato Provincial Hospital ang biktima.
Gilayon naman nga nagpalagyo ang mga wala pa makilal-an nga mga suspek nga nagluthang sa biktima.
Apang, may ginasundan na nga motibo kag persons of interest ang kapulisan sa insidente.
