KORONADAL CITY– Ginatutukan na sa karon sang Western Mindanao Command ukon WESMINCOM ang panibago nga estratihiya sang mga terorista nga grupo sa paglunsar sang pag-atake sa nagkalain-lain nga bahin sang Mindanao.
Sa esklusibo nga interbyu sang Bombo Radyo Koronadal kay WESMINCOM spokesperson Major Arvin Encinas, ginpahayag sini nga ginasundan na nila ang ginapatihan nga babaye nga ma suspek sa nagluntad nga pagpasigabong sang suicide bomber malapit sa military dedactment sa Sulo kag sa merkado publiko sa banwa sang Isulan, Sultan Kudarat.
Suno kay Encinas, ang mga kuha sa CCTV sa Sulu ang nagapakita nga nagasuksok sang abaya ang suicide bomber apang sa kamot nga nakit-an suno pa sa blast site ang nagapakita bilang isa ka lalaki.
Samtang, sa bahin naman sa pagpasigabong sa Isulan, isa ka babaye nga nakasukson sang shorts, wig kag shoulder bag ang ginapatihan nga bomber apang may mga impormasyon nga nagapahayag nga nagdisguise lamang ini.
Sa karon, ginahulat pa ang resulta sang DNA test sa suspek sa Sulu samtang ginamonitor man ang matuod nga identity sang suspek sa Isulan Bombing.
