KORONADAL CITY- Halos 30 biktima ang nagpadulong sa talatapan sang Philippine National Police matapos nga mabiktima sang panibag-o nga investment scam sa probinsya sang South Cotabato.
Sa esklusibo nga interbyu sang Bombo Radyo Koronadal kay alyas An, isa sa mga investors, indi na suno pa makit-an kag wala na nagapabatyag ang nagpakilala nga founder ukon recruiter sang Dianamite Investment Scam nga ginkilala kay Diana Loyola Roldan matapos nga ma-invest sila sang nilibo nga kwarta.
Modus suno pa sang suspek ang 101% return of investment sa sulod lamang sang 17 adlaw.
Ginpromisa man suno pa sang suspek ang money back guarantee sa iya nga mga investors.
Bangud diri, naganyat suno pa ang mga biktima nga maghulog sang ila nga kwarta.
Sa una suno pa nga 17 adlaw, nakahatag pa ang suspek apang sang nagdako na suno pa ang ila nga kwarta nga ginhulog, wala na nagpabatyag pa si Roldan makaligad nga wala na ini makahatag sang refund.
Samtang, ginbuyagyag sang pila ka mga investors nga may nabaton na sila nga threat bangud pila suno pa sa mga ini ang nangin middle man man sang iban pa nga naginvest.
Nahibaluan nga halin sa nagkalain-lain nga bahin sang SoCot sang probinsya ang mga biktima kun sa diin halos P6 Million ang nakuha sang suspek.
Sa karon, desidido ang mga biktima nga pasakaan sang kaso suspek kag iban pa nga kaupdanan sini.
Ginalauman man nga mas magdamo pa ang mga bitkima nga maggwa nga magsaka sang kaso kasunod sang paggwa sang mga nauna nga investors
.
