KORONADAL CITY – Nagapati ang isa ka mamalidha halin sa Maguindanao nga pulitika ang posible nga motibo sa pagluthang-patay sa iya supporter diri sang nakaligad nga semana.
Suno kay Maguindanao second district Board Member King Jhazzwer Mangudadatu, iya nga ginkasubo ang nadangtan ni Jamael Khanda Haron makaligad ginluthang sang wala pa nakilal-an nga mga suspek samtang yara sa sulod sang iya salakyan sa Alunan Avenue diri sa siyudad sang Koronadal.
Hustisya man ang ginasinggitan sini sa pagpatay kay Haron bangud malapit suno pa ini sa iya.
Ginpakigbahin man sang nasambit nga mamalidha nga wala siya ginsugiran ni Jaron angot sa pamahog sa iya kabuhi apang suno sa mga abyan sang biktima, ginahana siya nga patyon.
Nag-apela naman ang nasambit nga board member sa PNP kag AFP nga matapna ang political vendetta sa ila probinsya.
Si Mangudadatu ang bata ni anay Maguindanao Governor Esmael Toto Mangudadatu nga subong isa ka kongresista sa ikaduha nga distrito sang probinsya.
