KORONADAL CITY– Ginpasidunggan ang Bombo Radyo Koronadal bilang isa sa masobra 50 National Awardees sang Philippine Red Cross sa ginpatigayon nga Culmination and Recognition sa Brgy Dansuli, Isulan, Sultan Kudarat.
Sa interbyu sang Bombo Radyo Koronadal kay Rey Larosa, Head of Blood Services ng Red Cross Tacurong Chapter, ginpasalamatan sini ang Bombo Radyo sa pagpatigayon sang Dugong Bombo.
Suno kay Larosa, yara sa 54 mga National Awardees ang ginpasidunggan sang ahensiya kag yara sa 56 naman ang local awardees kun sa diin ang Bombo Bombo Radyo lamang ang nagaisahanon nga media entity sa bug-os nga probinsya sang Sultan Kudarat ang ginpasidunggan bangud sa pagpatigayon sang blood letting activity.
Samtang ginpalab-ot man sang Red Cross Tacurong Chapter ang bug-os nga suporta sa waragwagan ilabi na sa pagpatigayon sang Dugong Bombo.
