KORONADAL CITY- Dismayado si Banga, South Cotabato Mayor Albert Palencia makaligad nga mabiktima sang investment scam nga Kabus Padatuon ni Joel Apolinario ang yara sa 70%-80% sang iya mga constituents.
Suno sa alkalde halos tanan nga mga residente sa ila banwa ang nag invest sang ila ginpangabudlayan nga kwarta sa KAPA lakip na ang mga empleyado sang munisipyo mangin ang iya mga himata.
Gin insister man sang alkalde nga bisan san-o wala ini magkulang sa pagpahanumdom sa mga pumuluyo nga indi magsulod sa KAPA bangud dako nga problema ang dala sini ilabi na kun indi masustenir ang 30% nga ginapromisa nga return of investment.
Ginlaygayan man sang alkalde ang mga constituents nga indi maghugpong sa KAPA ilabi na sa plano nga rally pa sini bangud klaro nga wala na sang mahimo pa ang KAPA founder nga padayon nagapanago sa mga otoridad sa sini nga tinion.
Gin-awhag sini ang KAPA members nga magmove-on, magtuon sa mga mali kag indi pag utason ang kabuhi bangud lamang sa kwarta.
