Balay natumbahan sang puno sa Banga, SoCot

KORONADAL CITY – Isa naman ka puluy-an ang naguba matapos ang panibag-o nga insidente sang pagpanalasa
sang mabaskog nga hangin kag ulan sa Banga, South Cotabato.

Suno sa report, natumbahan sang dako nga puno sang kahoy ang puluy-an nga ginapanag-iyahan sang isa ka pamilya
sa Barangay San Jose, Banga, South Cotabato.

Sa subong, nagapadayon ang clearing operation sa lugar kag nagapatigayon sang assessment ang barangay sa
kadakuon sang halit nga natuga sang kalamidad.

Madumduman nga sang tinalikdan nga senimana, may 6 ka puluy-an naman ang naguba bangud sa mabaskog nga hangin
kag ulan nga nag-igo sa amo nga lugar.