KORONADAL CITY- Ginbawian na sang kabuhi ang suspek sa pagpangbuno sa 19 ka tawo sa isa ka Bus station sa Kawasaki City, Japan.
Ini ang ginpahayag ni Bombo International Correspondent Maria Cecilia Kusuhara nga isa ka OFW sa nasambit nga pungsod.
Base sa impormasyon nga ginpalab-ot , ginkilala lamang ang suspek sa pangalan nga Iwasaki, 57 anyos nga residente sang nasambit nga lugar.
Sa salaysay ni Kusuhara, nagahulat suno pa ang mga biktima sa bus nga kun sa diin kadamuan sa mga ini ang mga kabataan nga padulong sa ila nga buluthuan sang nag abot ang suspek kag ginbuno ang mga tawo sa lugar.
Nahibaluan nga magluwas sa mga tawo sa palibot ginbuno man sang suspek ang mga kabataan na yara sa sulod sang bus.
Matapos ang pagpangbuno, gilayon nga nagpalagyo ang nasambit nga suspek samtang ginalagas ini, ginlaslas niya ang iya liog sang duha ka kutsilyo.
Sa subong padayon pa nga ginahibalo sang mga otoridad ang motibo sa nasambit nga insidente.
