KORONADAL CITY- Wala na nasalbar pa nga buhi ang maglola makaligad ang nagluntad nga sunog sa ila nga puluy-an kaina sang aga sa banwa sang Banga, South Cotabato.
Ginkilala ang mga biktima nga sanday Rofia Dacay, 59-anyos kag ang 3 ka tuig ga apo sini nga lunsay residente sang Sitio Imbong, Brgy Lam-afus sa nasambit nga banwa.
Nagagwa sa imbestigasyon sang BFP Banga nga nag-usar sang mitsa ang maglola bangud blockout sa lugar kag samtang mahamu-ok ang ila nga tulog, nasalapay suno pa sang 3 ka tuig nga bata ang mitsa nga nangin rason sang paglapta sang kalayo.
Nabudlayan man nga makagwa ang mga biktima bangud sa mga bakal sa bintanan sang ila nga puluy-an.
Nahibualan man nga nagabaligya sang utay-utay nga gasolina ang mga biktima.
Sa karon, nagapadayon sa gihapon ang imbestigasyon sang mga otoridad sa gin-bilin ng danyos sang sunog kag ang ginhalinan sini.
