95% vaccination target, pagalab-uton sang DOH sa 2nd round sang Patak Kontra Polio campaign

KORONADAL CITY – Liwat nga ginapahanumdoman sang Department of Health (DOH-12) ang mga ginikanan nga awhagon ang ila mga kabataan para sa ikaduha nga round sang Sabayang Patak Kontra Polio campaign sang talatapan subong nga tuig.

GInpahayag ni Jenny Panizales, spokesperson sang DOH-12 nga magaumpisa ang nasambit nga round sa Enero 20 tubtob Pebrero 2 subong nga tuig, gani ginaawhag yadtong mga kabataan nga 5 anyos panubo agud mapatakan sang polio vaccines..// Gin-ako man sang opisyal nga napaslawan sila nga malab-ot ang 95 porsyento nga vaccination target sa una nga round ukon sadtong Nobyembre 25 tubtob Disyembre 7, 2019 gani nagalaum ini nga makuha ukon malapawan na nila subong ang nasambit nga target.