KORONADAL CITY- Kumpyansa ang militar nga nagahuyang na ang pwersa sang Bangsamoro Islamic Freedom Fighters o BIFF sa Central Mindanao ilabi na sa probinsya sang Maguindanao.
Ini makaligad magsungka ang 9 ka mga miyembro sang terorista nga grupo lakip na ang isa ka prominente nga BIFF field commander sa General Salipada K Pendatun, Maguindanao nga si Datu Parido Balabagan alyas Commander Banog.
Nahibaluan nga ang 9 ka mga nagsungka nga BIFF ay mga tagasuporta man sang ideolohiya sang Islamic State of Iraq and Syria o ISIS nga yara sa likod sang mga pagpasigabong sa rehiyon.
Kadungan sang pagsungka sang mga ini ang pagsurrender man sang ila 9 ka mga high-powered firearms nga ginakabug-usan sang 2 caliber 50 sniper rifles, 3 rocket-propelled grenade launchers, 1 caliber 5.56mm M653 assault rifle, 1 caliber 7.62mm M14 rifle, kag 2 40mm M79 grenade launchers.
