Nasapwan na nga patay ang isa ka 7-anyos nga bata nga babaye matapos ginlugos kag brutal nga gin patay sang sarili nga kapitbahay nga isa ka security guard sa bahin sang Brgy. Basag, Butuan City.
Nahibaluan nga ang suspek amo ang kapitbahay sini nga si Dondon Acedo, 29 years old, ginkuha sini ang 7 anyos nga bata pinaagi sa bintana samtang nagatulog ini kag gin dala sa iya balay kag didto ginhimo ang pagpanglugos sa bata.
Magapalagyo pa kuntani ang bata apang ginlagas ini sang suspek kag ginlumos tubtob mapatay pagkatapos sang krimen, ginhaboy sini ang patay nga lawas sang biktima sa isa ka balon.
Suno naman sa awtoridad, positibo naman ang suspek sa pag gamit sang iligal nga droga.
Nagasinggitan naman sang hustisya ang ginikanan sang bata kag ginpasakaan sang kaso batok sa suspek kag sa karon yara na sa kustodiya sang kapulisan ang nasambit nga suspek agud manabat sa makahiridlis nga iya ginhimo.
