Pilason ang anum ka miyembro sang Philippine National Police (PNP) Civil Disturbance Management (CDM) team matapos sila nga ginhabuyan sang bato kag gin-atake sang isa ka miyembro sang Kingdom of Jesus Christ (KOJC).
Ginkilala ng ini nga myembro kay alyas “GENE”, nga nag-gamit suno pa sang mga bato kag isa ka kutsilyo nga may 12 ka pulgada ang kalabaon, alas 10:20 sang gab-i, sang Agotso 25, 2024
Suno sa kapulisan, duha pa ka inbidwal nga ginkilala kanday alyas Mike kag Gelo man ang gin-aresto matapos nga naglusot sa police liine kag ginbato ang mga CDM unit.
Kalakip sa mga naangkon nga pilas sang anum ka kapulisan ang mga pilas sa ulo, ilong, liog, kamot kag mga lagob sa nawong kag mga tiil.
Samtang, sang alas-12 sang tungang gab-i sang Lunes, Agosto 26, 2024 may isa ka indibidwal nga ginkilala kay alyas John ang gin-aresto sang kapulisan matapos makumpiskahan ang ginamaneho sini nga salakyan nga may unod nga 18 kabilog nga secondhand nga royda kag kerosene nga suno pa pagasunugon sa ila nga rali sa KOJC.
Samtang, nakasunog sa gihapon ang mga miyembro sang KOJC sang mga secondhand nga royda kag nahimo ini nga punggan sang mbga kapulisan sa kalabaon sang National Highway sa atubang sang KOJC compound.
