50 mga anay rebelde nagpatuman sang hublag protesta sa Koronadal kadungan sang ika 50 anibersaryo sang NPA
KORONADAL CITY- Nagpatigayon sang hublag protesta sa atubang sang Regional Center 12 sa lungsod ng Koronadal ang yara sa 53 ka mga lumad nga mga anay rebelde kadungan sang ika 50 anibersaryo sang New People’s Army subong nga adlaw.
Sa ekslusibo nga interbyu sang Bombo Radyo Koronadal kay alyas Jayson, anay rebelde nga NPA, nga kun nakaligad ang gobyerno ang ila nga ginaprotestahan sa subong ginasingitan na suno pa nila ang ila nga pagkondinar sa rebelde kag komunista nga grupo nga naga-into sa ila sa sulod sang pila ka dekada.
Ginbuyagyag man nila sa Bombo Radyo sa kun sa ano sila gintudtuan nga magtanom sang kaakig sa gobyerno kag ginmaduan nga magpatuman sang krimen, kasubong sang arson, pagpatay, extortion kag iban pa katal-os suno pa sang promisa sang maayo nga kabuhi para sa ila nga mga pinalangga.
Ka-angot sini nagpanawagan man ini sa pila ka mga opisyal sa probinsya sang South Cotabato nga ginpahayag nga nagasupota sa NPA nga mag untat na kag nagpanawagan man ini sa iban nila nga kaupdanan nga bayaan na ang magamo nga kabuhi bilang rebelde.
