KORONADAL CITY – Hustisya ang ginasinggitan sang mga himata sang lima ka miyembro sang pamilya nga ginbawian sang kabuhi makaligad magmaoy ang isa ka ex-convict sa banwa sang Tupi, South Cotabato.
Sa interbyu sang Bombo Radyo Koronadal kay Police Major Verlin Pampolina, ginsulod sang suspek nga si Don Capion ang balay ni Londina Magon kag nagmaoy nga nagresulta sa pagpanglabo sini.
Ginkilala ni Major Pampolina ang pila sa mga napatay nga sanday Jenel Capion, Dani Capion kag isa ka 9 ka tuig nga bata nga ginkilala nga si Mikaela.
Nagguwa sa imbestigasyon sang kapulisan nga gilayon lamang sini nga ginsulod ang puloy-an kag wala sang luoy nga ginlabo ang nawong sang 9 anyos nga bata kag ginluthang man suno pa sini si Jenel Capion gamit ang isa ka 12 gauge homemade shotgun.
Nakapangayo naman sang bulig ang isa sa mga biktima sang pagpanglabo nga nangin testigo sa nasambit nga insidente.
Nagbato man suno pa ang suspek sa mga otoridad rason nga napatay ini.
Ginapatihan nga wala sa husto nga paminsaron ang suspek rason nga nahimo sini ang krimen.
Madumdoman nga napreso na ang suspek sa South Cotabato Perovincial Jail sang 2015 kag nahilway.
Sa subong ginapangita pa sang kapulisan ang apat ka bata sang suspek.
