KORONADAL CITY – Nagalab-ot sa lima ka banwa sa South Cotabato ang tuman nga naapektuhan sang malapnagun nga baha bangud sa asud asud nga pag bubu sang mabaskog nga pag ulan.
Suno sa sa damage assessment sang Provincial Agricultures Office kag Provincial Disaster Risk Reduction and Management Office yara 1,021 ka ektarya sang mais humay, kag mga high value crops halin sa mga banwa sang Norala, Surallah, Banga, Tboli kag Lake Sebu.
Gina bulubanta nga yara sa kapin ka 600 ka mga mangunguman ang apektado halin naman sa 57 ka mga barangay sa probinsya.//Tuman nga naapektuhan sang kalamidad ang banwa sang Surallah kung sa diin naga labot sa kapin ka 600 ektarya ang nagubaang mga hinuptan nga sapat ka palaisdaan.
Samtang yara sa 230 hektarya naman ang naguba sa banwa sang Norala, 75 ektarya sa Banga, 70 ektarya sa T’boli kag 30 ektarya sa banwa sang Lake Sebu.
Sa subong,nagapadyon pa ang assessment sang ahensya sa kabug-usan nga damyos agod mahatagan sang dugang nga ayuda ang mga residente nga apektado.
