KORONADAL CITY-Naglab-ot na sa masubra 400 ka kapulisan ang ginddeploy sa syudad sang Cotabato City bilang dugang nga personnel nga magahatag sang seguridad sa magaabot nga plebesito sang Bangsamoro Organic Law (BOL) sa Enero 21, 2019.
Ang nasambit nga pwersa ang naghalin sa Regional Mobile Force Battalion 12 (RMFB 12) kag Provincial Mobile Force Company.
Magluwas diri may masubra man sa isa kang isa kagatos ngamga police force sa pagpanguna ni PSUPT Gilbert Tuzon ang magaserbi nga standby forces nga magresponde sa anuman nga kalakasan nga possible nga magluntad.
Kaangot sini, ginpahayag naman ni 6th Infantry Division spokesperson major Arvin Encinas, sa esklusibong nga interbyu sang Bombo Radyo Koronadal, nga napreparar na ang mga suldado kalakip na ang PNP agod nga siguraduhon ang kaluwasan sang mga magaboto sa plebesito ilabi na sa syudad sang Cotabato nga ginakabig nga critical city matapos ang nagluntad nga bomb explosion.
