KORONADAL CITY- Ginpaidalom na sa kustodiya sang 33rd Infantry Battalion Philippine Army ang 4 ka mga miyembro sang komunista kag rebelde nga New Peoples Army makaligad nga magsungka sa militar sa Brgy. Masiag, Bagumbayan, Sultan Kudarat.
Suno sa militar nagsungka ang political instructor kag platoon medic sang Platoon Turo-Turo sang Guerilla Front 73 nga ginkilala kay Ka Carding kaupod ang 3 ka iban pa kun sa diin dungan sang mga ini ginsungka ang ila M1 Garand rifle, KG9 Submachine gun, 2 revolvers, 1 9mm pistol kag 3 MK2 fragmentation grenades.
Wala naman sang untat ang opensiba sang militar batuk sa NPA ang nagtulod sa ila nga magsungka bangud sa kahadlok sang mga ini nga mapatay ilabi na kag may mga pamilya sila nga nagalaum sa ila.
Dugang pa sini nga wala man sang pulos nga magselebrar pa ang NPA sang ila ika 50 nga anibersaryo bangud may yara suno pa sang gradual collapse sa communist terrorist movement ilabi na sa Sultan Kudarat bangud sa asud-asod nga pagsungka sang mga rebelde.
