Nakilala na ang tatlo ka mga Overseas Filipino Workers (OFW) nga napatay sa Kuwait matapos nga masunog ang isa ka residential building nga nagaserbe nga dormitoryo sang mga construction workers.
Suno kay Secretary Hans Leo Cacdac, tiglikom sang Department of Migrant Workers, ang mga napatay nga OFWs ang ginlakipan nanday Engr. Edwin Petilla, isa ka quantity surveyor, Jesus Lopez, iron worker kag Jeffrey Catubay nga isa naman ka document controller.
Ang mga ini ang una nga ginpaidalom sa intensive care unit (ICU) sa Adan Hospital apang ginbawian sang kabuhi.
Ginpasiguro naman ni Sec. Cacdac kag Admin Ignacio nga magahatag sila sang nagakaigo nga bulig sa tanan nga biktima lakip na sa mga nabilin nga Mahal sa kabuhi sang mga biktima.
![](https://img.bomboradyo.com/koronadal/2024/06/Kuwait-fire-incident.jpg)
Ang bulig ang pagalakipan sang educational kag medical support subong man financial assistance.
Madumduman nga yara sa 49 ka mga tawo ang napatay bangud sa pagkasunog sang dormitoryo sang mga biktima.
Ginabulubanta naman nga yara sa masobra 2,000 ka mga tawo ang nagaistar sa nasambit nga edifisyo.