KORONADAL CITY -Wala paman nagtakop ang pag-isip sa ginpatigayon nga botohan sa 67 barangay sa 7 banwa sang North Cotabato angot sa Bangsamoro Organic Law (BOL) plebiscite, ginlauman na suno pa sang Comelec nga mangin mataas ang voters turn-out.
Sa eksklusibo nga interbyu sang Bombo Radyo Koronadal kay kay Atty. Jay Gerada, ang comelec provincial election supervisor sang North Cotabato, wala suno pa sang napagkit nga problema humalin sang nagsugod kaina sang aga tubtob sa voting time alas-3 kaina sang hapon.
Suno Gerada, ginkabug-usan sang isa ka libo nga clustered precincts ang ginbuksan kun sa diin masubra sa tatlo ka libo nga mga manunudlo ang nagserbi nga Boad of Election Inspectors (BEI’s).
Nagpasalamat man ang comelec nga wala sang bisan isa ka BEI’s ang nag atras kag nangin malinong ang pagboto sang mga botante tubtob sa kasamntangan nga pag isip sang boto.
Aminado si Gerada nga crucial ang ikaduha nga BOL plebiscite bangod sa damo nga barangay ang nagpetisyon for inclusion sa Bangsamoro Autonomous Region in Muslim MIndanao ukon (BARMM).
Apang, mahibaluan ang resulta sang botohan kun madaog ang Yes pagkatapos sang pag isip kag canvassing sa kaagahon ukon bwas nga adlaw.
