-- ADVERTISEMENT --
Nadugangan ang numero sang mga napatay bangud sa pagpanalasa sang bagyo Kristine sa pungsod.
Suno kay Police Brigadier General Andre Dizon, 20 na ang kumpirmado nga napatay sa Bicol region. Ang mga biktima ang lunsay nalumos kag pila naman ang natampukan sang duta tuga sang landslides.
Pito sa mga napatay ang nabalhag sa Naga, lima sa Catanduanes, apat sa Albay kag tig-isa sa Camarines Norte, Camarines Sur, Sorsogon, kag Masbate — tanan sa Bicol Region.
Sa karun nagpadala na sang dugang nga puwersa ang Philippine National Police (PNP) sa Bicol agud magbulig sa mga biktima sang kalamidad. Nagapadayon man ang search and rescue operation sa iban pa nga lugar nga padayon nga ginabaha.
