KORONADAL CITY- Nagpanawagan subong sang hustisya ang pamilya sang Blaan leader kag environmental advocate nga napatay sa ginpatigayon nga operasyon sang Polomolok PNP sa Brgy. Polo, Polomolok, South Cotabato.
Nahibaluan nga ginkilala ang napatay nga si Rodrigo Samling, 30 anyos, isa ka Blaan leader kag environmental advocate sa ginaduso nga Forest of Wellness project sa Sitio Amguo, Brgy. Landan, Polomolok SoCot sa pagpanguna ni anay DENR sec. Gina Lopez at DOH Cabinet Secreatry Dr. Jimmy Galvez Tan.
Napatay si Samling sang ginsirbe ang warrant of arrest angot sa suno pa kaso sini nga rape kun sa diin suno naman sa Polomolok PNP nagbato suno pa ini nusaar ang isa ka armas luthang rason nga nagbalos man ang mga pulis kag nakaangkon ini sang 23 ka igo sang bala sa iya nga lawas.
Sa pihak nga bahin, suno naman sa pamilya Samling madugay na suno pa nga dismissed ang kaso sini kag nagapati sila nga isyu sa land grabbing ang motibo sa pagpatay sa tribal leader nga gintawag naman nga ‘overkill’ apang suno naman kay PNP 12 Spokesperson Aldrin Gonzales, lehitimo ang operasyon.
Nagresulta naman sa pagrelieve kanday PSSupt. Nestor Salcedo ang police provincial director sang South Cotabato kag PSupt. Josemarie Simangan hepe sang Polomolok PNP ang kamatayon ni Samling kun sa diin nagtal-os sa ila sanday PSSupt. Joel Limson bilang PD kag PSupt. Samuel Cadungon naman bilang hepe sang Polomolok PNP.
