KORONADAL CITY- Naglab-ot sa 30 ka mga matag-as nga kalibre sang armas ang nakumpiskar sang 39th Infantry Battalion Philippine Army kag Kidapawan City PNP sa ginpatigayon nga operasyon batuk sa 2 ka ginapatihan nga mga myembro sangNew People’s Army sa Brgy. Katipunan syudad sang Kidapawan.
Sa impormasyon nga ginpalab-ot ni Lt. Col. Harold Argamosa sang 39th IB Philippine Army, ang mga natikma nga suspected NPA members amuh sanday Wowie Boton kag George Cuyo.
Nahibaluan nga yara sa 30 Armalite rifles ang nakuha sa posisyon sang mga ini sang ginpatigayon ang operasyon sa puluy-an nga ila gina dayunan.
Luwas sa mga armas, nakumpiskar man ang flag sang NPA kag pila pa ka mga dokumento nga naga-angot sa ila sa leftist group.
Ginapatihan naman nga may yara sang malain nga plano ang nasambit nga grupo kag maayo na lamang nga napunggan sang mga otoridad.
Sa subong ginpaidalom na ang mga ini sa dugang pa nga imbestigasyon.
