KORONADAL CITY- Nagapangatubang sa madamo nga kaso ang 2 ka mga lider sang mga motornapper sa Rehiyon 12 makaligad nga matikma sang mga otoridad sa Brgy. Zone 4 Koronadal City.
Suno kay PCI JS Pedrosa sang Koronadal City PNP natumod ang mga suspek nga sanday Muhaledin Mustapha Madag alyas “Din” Ibrahim Lucas alyas “Ibra” kun sa diin narekober sa posisyon sang mga ini ang 3 pakete sang shabu kag nagkalain-lain nga mga armas kag mga bala, hand grenade, mga susi kag iban pa nga mga improvised nga kagamitan para sa ila iligal nga operasyon.
Dugang pa nga gina imbestigaran man ang impormasyon nga mga myembro suno pa ang mga ini sang 106th MILF command kag nakapangsawa sang mga bata sang mga MILF commanders.
Sa ekslusibo nga interbyu sang Bombo Radyo Koronadal sa mga suspek ginabaligya nila sang P16,000 pataas ang ila mga makawat nga mga motorsiklo.
Samtang sila man ang ginatudlo nga mga lider sang motornapping sa South Cotabato kag yara man sa likod sang Robbery Hold-up kag pagpamatay sa syudad sang Davao, Tacurong kag sa banwa sang Lambayong Sultan Kudarat.
Makaligad maarestar ang mga ini madamo nga mga biktima sang motornapping sa Rehiyon 12 ang nagpadulong sa Koronadal City Police station.
