KORONADAL CITY- Nagapadayon na sa karun ang imbestigasyon sang Koronadal City PNP kaangot sa nagluntad nga pagkarambola sang 14 ka mga salakyan sa Alunan Avenue Brgy. Zone 3, syudad sang Koronadal.
Sa ekslusibo nga interbyu sang Bombo Radyo Koronadal kay Cedrec Gabilagon sang Koronadal City traffic section , ginpahayag sini nga 14 ka mga salakyan ang nagkarambola nga ginalakipan sang tatlo ka mga (3) pick-up truck, tatlo ka multicab, isa ka adventure, isa ka innova, isa ka dumptruck, tatlo ka tricycle kag duha ka motorsiklo.
Base sa kuha sang CCTV camera, una nga ginbunggo sang isa ka dumptruck nga may karga nga buhangin ang isa ka container van kag bangud sa mabaskog nga impact sini naglibot-libot ang container van kag ginbunggo man ang iban pa nga mga salakyan rason nga halos maglupad na ang mga ini.
Nagwa man sa imbestigasyon nga nadulaan sang preno ang nasambit nga dump truck kag gin araro ang mga salakyan sa national highway.
Gilayon naman nga nagresponder ang rescue team sang South Cotabato Provincial Disaster Risk Reduction and Management Office mangin man ang Koronadal City PNP kun sa diin gindangat sa balay bululngan ang mga biktima nga sanday:
Rogelio Villanueva, 60 anyos
Erwin Angkay, 34 anyos
Fermil Sencini, 64 anyos
Nelvie Rosary Cahis, 42 anyos
Gemark Ferolino, 35 anyos
Jerick Panlikan, 16 anyos
Dennis Dela Poz, 37 anyos
Nenita Saldivar
Primotivo Saldivar
Cecilia Golinggay, 62
Ernesto Golinggay, 62
Topez Jazz Encabo
Khen Rose Inventado
Rolando Buenafe
Samtang sa karun pila sa nmga pilason ang nakagwa na sa balay bululngan samtang yara naman sa kustodiya sang PNP ang driver sang dumptruck nga si Raymon Antalan Mongcal, 36 anyos nga taga Matina Davao City.
