KORONADAL CITY- Pagpalangga sa diyos kag mapag-on nag pagtuo ang nagtulod sa isa ka pamilya nga ipatukod ang 14 ka istasyon sang krus sa syudad sang Koronadal nga makita sa nabukid nga bahin.
Nahibaluan nga subong nga semana santa, ginadayo sang mga residente kag sang mga taga kalapit nga probinsya ang Brgy. Paraiso sa syudad bangud sa 14 ka istasyon sang krus nga makit-an sa isa ka hill nga ginapatihan nga milagroso.
Kalakip sa mga nagapadulong didto amuh ang mga may yara sang balatian, may dis-abilidad kag mga mag-asawa nga nabudlayan makaangkon sang kaugalingon nga bata.
Sa interbyu sang Bombo Radyo Koronadal kay Letecia Mangulos nga ginhimo ang passion hill garden bilang handumanan sang iya nagtaliwan nga bana, bata kag amay.
Ang passion hill garden man ang nagapahanumdum sa iya nga sa pihak sang pagtilaw sa kabuhi, wala nagakadula ang pagpalangga sang diyos.
