KORONADAL CITY- Ginakabalak-an sa karun sang Philippine Consulate sa Jeddah, Saudi Arabia ang numero sang mga trabahante nga mga pinoy nga nadula sa tama nga panghuna-huna.
Sa impormasyon nga ginpalab-ot ni Bombo Middle East Correspondent Boyet Forro, 11 ka mga Overseas Filipino Workers ang naga eksperyensya karun sang Psychological Distress nga yara sa kustodiya sang Philippine Consulate sa Jeddah.
Suno kay Consul Roney Jonas Sumague, pila sa mga nasambit nga OFWs ang wala pa nagpaidalom sa pagtsekyar sang doktor bangud kulang sa pondo ang ila nga talatapan rason nga nagpanawagan ini sa gobyerno sang Pilipinas nga magpadala nalang sang Medical Team sa Jeddah agud mahatagan sang medical attention ang mga OFWs.
Nahibaluan nga resulta suno pa ini sang naeksperyensyahan nga kakulangan sa pagkaon kag pahuway kag tuman nga pagpang-abuso sa mga OFWs kun sa diinkadamuan sa mga ini ang bag-o deploy lang sa nasambit nga pungsod.
Sa karun luwas sa 11 nga mga OFWs, may yara sang 140 pa ka mga Distressed OFWs ang yara sa kustodiya sang Bahay Kalinga sa Jeddah, Saudi Arabia nga nagakinahanglan sang bulig.
