KORONADAL CITY – Naglab-ot sa napulo (10) ang napilasan sa pagkarambola sang duha ka SUV kag isa ka motorsiklo sa National Highway Purok Sunflower Barangay Malasila, Makilala North Cotabato.
Sandig sa report sang kapulisan, ang nagkarambola nga mga salakyan ang ginalakipan sang Toyota Avanza nga maroon, Toyota commiter van nga kulay puti kag isa ka motorsiklo.
Ginkilala ang mga pilason nga sanay Jimmy Baturi, driver sang Toyota Avanza kag mga sakay sini nga sanday Jenny Baturi, Jess Baturi kag Jerson Imarga nga lunsay mga residente sang Barangay Poblacion, Davao del sur.
Samtang, ang mga pilason nga sakay sang motorsiklo ang ginkilala naman kay Jhunard Rafael nag residente sang Barangay Hagonoy Davao del Sur.
Pinakadamo naman nga napilasan ang mga pasahero sang Toyota Commuter Van nga amo sanday Sittie Sophia H. Esmael, Putri Johara Baladsal, Earvin Paul Inding, Amirto Agao, kag Rerdauza Dammang nga lunsay mga residente sang Cotabato City.
Naguwa sa imbestigasyon nga ginasubay sang Toyota Avanza kag sang motorsiklo ang kalabaon sang national higway sakop sang Makilala padulong kuntani sa Bansalan davao del sur sang masugata nila ang Toyota Van nga madasig ang dalagan, hinali nga nagbreak ang van apang bangud nga madanlog ang dalan dulot sanng ulan, nadulaan ini sang kontrol kag nabungguan ang kasugata sini.
Gilayon naman nga nagpalagyo ang driver sang Toyota Commuter Van samtang ang mga pilason nga pasahero ang ginbayaan sini kag bangud sa bulig sang mga bystander kag nagresponder nga rescue team gilayon naman nga gindala sa hospiptal ang mga biktima.
