KORONADAL CITY – Nagapadayon ang imbestigasyon sang kapulisan sa serye sang pagpanglutang nga nagluntad sa probinsya sang Sultan Kudarat kadungan sa mismo nga pagsaulog sang bag-ong tuig.
Sa impormasyon nga ginapalab-ot ni Bombo correspondent Larry Geronio sa Bombo Radyo Koronadal, napatay ang biktima nga si Jade Nathaniel Nanales Pico, 15 anyos, kag residente ng Brgy. Buenaflor, Tacurong City makaligad ginsulod suno pa sang wala nakilal-an nga suspek kag ginluthang.
Gindangat ang biktima sa balay bulolngan apang gindeklarar nga dead on arrival.
Samtang pilason naman ang duha ka tawo sa magkatuhay nga pagpangluthang sa banwa sang Lebak sa nasambit nga probinsya.
Una nga ginkilala ang biktima nga si Orlando Pangcahas, 22 anyos kag residente sang Sitio de Pan kun sa diin kritikal ang iya kondisyon makaligad ginluthang sang suspek nga si Datu Kibel Mistura.
Samtang pilason man ang biktima nga si Allan de Arol, 30 anyos kag isa ka driver makaligad maigo sa mata sang ginluthang sang suspek usar ang isa ka 12 gauge shotgun.
Lunsay gindangat sa Lebak District Hospital ang duha apang ginsaylo sa Cotabato Regional Medical Center bangud sa kritikal nila nga kondisyon.
Padayon nga ginahibalo sang kapulisan ang posible nga motibo sa nasambit nga mga insidente.
