KORONADAL CITY– Nakapagkit na sang pilason sa bahin sang mga rebelde nga grupo sa natabo nga engkwentro sa tunga sang militar kag mga katapu sang Guerilla front 72 kag 73 sa Brgy. Tablu, Tampakan South Cotabato.
Kaangot sini, yara sa halos 100 pamilya man ang nagbakwit bangud sa kahadlok nga malamita sa inaway.
Sa interbyu sang Bombo Radyo Koronadal kay South Cotabato Police provincial director senior superintendent Franklin Alvero, nagapadayon pa ang pilason kag apektado nga indibidwal sa nasambit nga lugar kag kun may napagkit nga patay.
Nagdugang naman sang deployment ang 27th IB sa lugar agud nga magbulig sa paglagas sa mga rebelde.
Pila ka air assets man sang militar ang nagresponder agud nga makabulig sa pagbakwit sang mga residente nga naipit sa engkwentro kag agud nga mapunggan ang mga terorista nga grupo.
Ginkondenar man sang mga opisyal sa probinsya ang natabo nga pag-atake sang NPA.
