KORONADAL CITY- Generally peacefull ang kabug-usan nga Undas 2024 sa bug-os nga rehiyon Dose.
Ini ang nangin pahayag ni PMaj. Riss Heranaez- Regional Public Information Office Chief sang PNP-12 sa interview sang Bombo Radyo Koronadal.
Suno sa iya, nangin malinong ang Undas sa bug-os nga Rehiyon bangud man sa kooperasyon sang mga residente sa mga kapulisan sa tion sang Todos Los Santos kag Kalag-kalag sa diin ginpalapta ang mga kapulisan sa mga sementeryo pribado man ukon pampubliko.
Madumduman nga ginsiguro sang pamunuan sang Police Regional Office (PRO) -12 nga mangin luwas sang tanan kag mangin maayo sang siguridad sa tion sang undas o All Souls/All saints day.
Ini ang nangin pahayag ni PRO-12 Regional Director PBGeneral James E. Gulmatico sang adlaw sang Nobyembre 1, 2024.
Ginpahayag pa sini nga ang mga pulis ang ginpalapta sa nagkalain-lain nga pampubliko kag pribado nga mga sementeryo kag Columbaria agud masiguro ang ikaayo kag kaluwasan nga publiko sa tion nga pagbisita sa pantyon sang ila mga pinalangga sa kabuhi nga nagtaliwan na.
Ginpahayag sini nga nakab-ot samg otoridad ang target sang kapulisan ang “zero crime rate” sa tion sang todos los santos kag undas amo ginkumpirmar Suno saiya, wala sang may insidente nga nagkalahitabo diri sa SOCCSKSARGEN kag wala man sang ginkumpiskar nga mga matalom nga bagay.
Amo, nga gin kalipay ini sang mga otoridad nga nagasunod ang katawhan sa mga laye nga gin pa-athag.
