Mabatyagan sang mga driver ang epekto san pagsaka sang gatong bangud ini ang nagapanguna nga kinahanglanon sa ila palangabuhian.
Sa exclusive interview sang Bombo Radyo Koronadal kay Tatay Edgar, Tricycle driver, iya ginpahayag nga dako ang epekto sa ila kabuhi ang pagsaka sang gatong ilabi na kun nagapabilin sa dati nga presyo ang pamasahe.
Suno kay Tatay Edgar, apisar ginbaton na nila ang pagsaka sang presyo sang gatong, apang nagalaum siya sa gihapon nga may mga nakatalana nga tikang ang gobyerno agud gilayon ini masolusyunan.
Ginpabutyag man ni Tatay Edgar nga kuntani mabatyagan man sang mga yara sa gobyerno ang ila pagpropaningkamot sa pagbyahe para sa ila mga pamilya kag kabataan kag gilayon aksyunan ang nasambit nga problema.
Bangud sini, nagpanawagan si Tatay Edgar sa publiko nga makigbinuligay man sa ila nga mga drayber kag maghatag man sang dyutay nga konsiderasyon sa pamasahe, samtang nagpalab-ot man siya sang pagpanawagan sa gobyerno nga himuon man nila ang ila mga obligasyon sa katawhan ilabi na sa karon nga nagapangatubang sa mabug-at nga krisis ang katawhan.
