Gin-anunsyar ni US President Donald Trump nga gin-untat niya ang ginplano nga pag-atake sa Iran, nga posible nga makahimo gilayon sang kasugtanan.
Nagpakig-angot si Trump sa Saudi Crown Prince Mohammed bin Salman nga nagpabutyag sang importansya sang dayalogo agud mapahagan-hagan ang tensyon.
Ginpalab-ot man ni bin Salman ang suporta sa mga paninguha para makab-ot ang truce kag solusyon paagi sa diplomasya.
Sa pihak nga bahin, nagpaandam naman si Iranian Foreign Minister Abbas Araghchi nga ang bisan ano nga agresyon halin sa US kag Israel sabaton sang Iran sang determinado kag balanse nga aksyon.
Madumduman nga nauna na nga napagkit ang indi magnubo sa 11 ka Palestinian, lakip ang pila ka kabataan, matapos maglunsyar sang operasyon ang Israeli forces sa Gaza Strip.
