KORONADAL CITY – Nagtuga sang mabaskog nga lagpok kag pagkalapta sang mga labhang nga halin sa sinako sako nga karga sang isa 10 wheeler truck nga nagbaliskad sa kalabaon sang National Highway sa bahin sang Purok Maharlika, Brgy Saravia ,Koronadal City kagina sang 6 sang aga.
Sandig sa interview sang Bombo Radyo Koronadal kay P/SSgt. Henry Felix sang Koronadal City PNP-Traffic section, naga subay sa national highway ang nasambit nga 10 wheeler truck padulong sa sentro sang Koronadal City nga ginamaneho ni Roland Sugay karga ang sinako nga mga labhang sang hinali ini nga nag overtake sa isa ka multicab nga naga asoy man sa amu nga direksyon.
Sa tion nga mag balik na kuntani ang 10- wheeler truck sa linya sini makaligad nga nag-overtake , gulpi nalang nga nadulaan sang kontrol ang driver sa manebela kag wala na nakabalik pa sa ila nga linya kag nag dire-diretso sa isa ka concrete canal kag na tumba.
Nakaangkon sang gasgas ang driver sang amu nga truck kag maswerte naman nga wla nakaangkon sang fatal injuries ang driver sini.
Wala man sang naulamid nga iban nga mga motorista sa amu nga panghilitabo
