KORONADAL CITY- Dako ang pagpasalamat ni Rosie G. Sula, ang ginkabig nga National Living Treasure.
Sa interbyu sang Bombo Radyo Koronadal sa iya, halos indi siya makapati bangud isa lamang siya ka simple nga pumuluyo nga ang tinituyo ang makabulig sa kasubong niya nga tribu.
Suno sa Proclamation No. 427 sang Pangulo sang Pilipinas, si Rosie Sula, isa ka Tboli Chanter gikan sa Lake Sebu, ang ginklala sa iya nga paghatag sang importnasya sang Tboli lingon o kun chanting.
Siya isa ka aktibista, musikero, nagasaot, kompositor kag epic chanter sang Tboli.
Ginpatindog niya ang Libun Hulung Matul, ang Gono Hofo Heritage Center kag nagsilbi man bilang member ng Lake Sebu Eco Tourism Council kag sa Community Affairs sang National Commission of Indigenous People sa Lake Sebu.
Siya man ang nagapamuno sa Lupon ng Kesebung Tboli kag Ubo Association sang Lake Sebu.
Ginpatindog niya man ang School of Indigenous Knowledge and Traditions sa Gono Hofo, Brgy. Klubi, Lake Sebu, South Cotabato.
Nahibaluan man nga siya ang naggradwar sa NDMU sa kurso nga Bachelor of Science in Elementary Education sang 1987, kag Master of Arts in Educational Management tuig 2000.
Kag bilang pagpasalamat sa iya nga nabaton nga pagkilala siya ang nagpakigbahin man sa waragwagan sang Bombo Radyo Koronadal sang isa ka chant.
