Magapapili ang tatlo ka mga Duterte sa 2025 senatorial elections nga amo sanday former president Rodrigo Duterte, Davao City 1st District Rep. Paolo Duterte, kag Davao City Mayor Sebastian Duterte.
Ini ang ginkumpirmar ni Vice President Sara Duterte kadungan sang pagpanguna sini sa ginpatigayon nga annual OVP Pride Reception sa Cagayan de Oro City.
“Lahat silang raring na tumakbo eh—PRRD, senator. Iyong kuya ko, si Paolo Duterte, iyong congressman ngayon, senator. Si Sebastian Duterte,” pahayag sang bise presidente.
Sang gin-usisa naman kun bala ma-resign ini sa Office of the Vice President (OVP), nagsabat naman ang bise presidente nga, “pag-uusapan namin.”
Samtang, ginkumpirmar man sang bise presidente nga mapadalagan man ang iya manghod nga si Mayor Baste bilang presidente sa 2028 elections.
Matandaan nga sang nagligad nga semana, nag-resign na ang bise presidente bilang secretary sang Department of Education (DEPED).
Ini matapos ang kumpirmasyon sa indi nila pag-intidihanay ni First Lady Liza Araneta-Marcos.
Apisar wala ini naghatag sang anuman nga rason sa iya pag-resign sa gabinete ni Marcos, madamo naman ang nagahambal nga dako ang posibilidad nga magbalik ini sa Davao City bilang mayor.
