-- ADVERTISEMENT --

Tatlo ka tawo ang kumpirmado nga patay samtang 36 pa ang padayon nga ginapangita matapos masunog ang isa ka pabrika sang kendi sa Serang district, Banten province sa western Java, Indonesia.

Suno sa National Search and Rescue Agency, 15 ka tawo ang naluwas sa insidente, apang apat sa ila ang kinahanglan dal-on sa ospital para sa pagbulong.

Base sa pahayag ni Banten Governor Andra Soni, ginabanta nga 60 ka tawo ang yara sa sulod sang pabrika sang nagsugod ang sunog sang Sabado sang gab-i.

Padayon naman ang operasyon sang mga rescuers sa pagpangita sa mga nawawala, samtang ginatutukan man sang mga otoridad ang imbestigasyon agud mahibaluan ang gintunaan sang sunog.

Ang nasunog nga pabrika ginapanag-iyahan sang isa sa pinakadaku nga kompanya sang pagkaon kag ilimnon sa Indonesia.