Nakatala sang isa ka kaso sang MPOX- Clade II ang probinsya sang South Cotabato.
Ini ang ginkumpirmar sang South Cotabato Integrated Provincial Health Office ukon IPHO.
Ang nasambit nga pasyente ang yara sa karon sa maayo nga kahimtangan, nagapaayo, kag nagapabilin sa under close monitoring sang mga local health authorities.
Angot sini padayon ang paalinton sang Integrated Provincial Health Office ukon IPHO bahin sa Mpox nga isa ka transmissible nga sakit.
Ini ang ginkumpirmar ni Eldon Hans Serome, HEPO II IPHO SOUTH COTABATO sa interbyu sang Bombo Radyo Koronadal.
Ginahingyo ni Serome ang tanan nga maglikaw sa skin-to-skin nga kontak agud malikawan ang paglapta sang virus.
Ginatutukan gid sang IPHO ang kahimtang sang mga kaso sang Mpox sa aton lugar, kag nagahatag sang mga paalinton sa mga pumuluyo agud maprotektahan ang aton komunidad.
Madumduman nga sang naglabay nga inadalw sang Abril 23, subong nga tuig, may duha katawo ang nagpaidalom sa close monitoring, kung sa diin isa diri ang taga Cotabato Province nga nagpabulig sang medical atensyon sa South Cotabato.
Ang nasambit nga indibidwal ang nadischarged sa health facility, kag sa karon ginatapos ang isolation protocols sa probinsya sang Cotabato.
Sa karon padayon ang ginahimo nga monitoring sang Integrated Provincial Health Office kaupod ang mga municipal kag city health offices, sa mga indentified close contacts sang pasyente.
