KORONADAL CITY- Nagpanawagan si South Cotabato Police Provincial Director Senior Supt. Franklin Alvero sa mga pumuluyo sang South Cotabato nga magpabilin nga kalmado sa pihak sang nabaton nga threat kag impormasyon nga magapatigayon sang major terroristic attacks ang gintingob nga pwersa sang ISIS MAUTE kag Bangsamoro Islamic Freedom Fighters sa mga nagapanguna nga syudad, mga munisipalidad sa bug-os nga pungsod lakip na ang South Cotabato.
Sa ekslusibo nga nga interbyu sa Bombo Radyo Koronadal kay Col. Alvero ang nasambit nga threat ang naka adress sa manager sang isa ka Gasoline station sa Polomolok South Cotabato kun diin ginaimbitar ini sang hepe sang Polomolok PNP nga si Police Chief Inspector Geovanni Ladeo sa isa ka emergency meeting kaupod ang mga opisyal agud istoryahan ang pamahog sang terorismo.
Nahibaluyan nga ang nasambit nga sular ang may kaundan sang impormasyon angot sa plano nga paglunsar sang terorismo sang mga terorista nga grupo kun diin target ang tanna nga vital installation kasubong sang Gasoline station, shopping malls, parke, Public market kag iban pa nga matawo nga lugar.
Dugang pa nga plano man daw nila nga i-hijack ang mga Petroleum Lorry kag mga LPG Delivery trucks agud himuon nga vehicle bomb.
Sa subong nagapatigayon sang mas madalom nga imbestigasyon kag mas hugot nga intelligence monitoring sa bug-os nga probinsya.
