KORONADAL CITY – Pagalauman nga indi pagsudlon sang mga katapo sang Taliban ang Airport apesar nahulog na sang mga kamot sa mga ini nga Kabul kag guba nga Gobyerno sang Afghanistan bangud suno pa sa kasugtanan sa tunga sang mga ini kag sang Estados Unidos.
![](https://img.bomboradyo.com/koronadal/2021/08/1234687815-1.jpg)
Ini ang nangin pahayag ni Joseph Glenn Gumpal- PRESIDENTE NG SAMAHAN NG MGA PILIPINO SA AFGHANISTAN sa interview sang Bombo Radyo Koronadal.
Suno sa iya, apesar may mga checkpoints na kag traffic points ang mga Taliban, indi sang mga ini pagasudlong Airport bangud na-istoryahan na ini pinaagi sa kasugatan kag para man mahatagan sang proteksyon ang mga residente nga luyag mag halin sa ila nga pungsod.
Dugang pa sini, may mga pronouncements naman nga ginahimo ang grupo angot sa mga pagsulundan sa subong nga nakubkub sang mga ini ang kabisera kag gin sulod na ang Presidential Palace sang Afghanistan.
Sa subong, madamo sa gihapon nga mga Afghan ang yara sa airports para makahalin na pungsod kag makasakay sa eroplano kun sa diin didto naman ang mga ini naga hulat kag didto man naga tulog.