KORONADAL CITY – Ginpasiguro sang PNP-12 nga ila pagatapnaon ang sin-oman nga magatindog nga lider sang Dawlah Islamiyah terror group nga magtuga sang kinagamo sa bug-os nga rehiyon 12.
Ini ang ginpahayag ni PNP-12 spokesperson PLt. Col. Lino Capellan sa interbyu sang Bombo Radyo Koronadal, makaligad napatay sa ginpatigayon nga operasyon sang gintingob nga pwersa sang AFP kag PNP ang sub-leader sini nga si Jazzer Nilong alyas Khalid sang nagbato ini sa mga otoridad sa Barangay Saliao, Esperanza, Sultan Kudarat.
Dugang ni Capellan, utod ni Jazzer ang napatay nga lider sang Nilong-sub group nga si Joffrey kag Al-amen Nilong sa checkpoint operation sa Brgy. Lamsugod sa banwa sang Surallah, South Cotabato.
Madumdoman nga nagbato ini sang igaserbe na kuntani ang arrest warrant rason nga naluthangan ini sang mga otoridad.
Nakuha sa iya ang isa ka kalibre 45 pistola, rifle grenades kag IED components.
Suno sa PNP, naulamid man ini sa pagpamomba sa General Santos City sadtong 2018 kag pagpatay sa anay deputy chief of police sang Polomolok nga si PInsp. Hernan Gabat.
